Gyrfa Cymru yn ychwanegu dylanwadwr TikTok ac arbenigwr ar losgfynyddoedd at adnodd Dinas Gyrfaoedd ar gyfer ysgolion cynradd

Mae Gyrfa Cymru wedi ehangu ei adnodd poblogaidd Dinas Gyrfaoedd, a gynlluniwyd i ymgysylltu dysgwyr ysgolion cynradd ym mlynyddoedd 5 a 6 â byd amrywiol gwaith, trwy ychwanegu dau lwybr gyrfa newydd cyffrous – entrepreneur siop TikTok ac arbenigwr ar losgfynyddoedd. Mae Dinas Gyrfaoedd yn fap rhyngweithiol sy’n helpu dysgwyr ifanc i archwilio gwahanol yrfaoedd a chyfleoedd sydd ar gael iddynt trwy animeiddiadau difyr a deunyddiau ystafell ddosbarth ategol. Gyda deunyddiau ystafell ddosbarth ategol a nodiadau ar gyfer athrawon, bydd yr adnodd yn helpu athrawon i gynnwys gyrfaoedd a phrofiadau byd gwaith yn eu cwricwlwm.

Trwy glicio ar adeiladau a nodweddion ar y map sy’n cynrychioli gwahanol sectorau, bydd dysgwyr yn cael eu tywys i animeiddiad sy’n cynnwys swydd ‘anarferol’ o fewn y sector penodol hwnnw, fel technegydd atgyweirio tedi bêr, rhewlifegydd, neu beilot dronau’r heddlu.

Bydd pob animeiddiad yn rhoi gwybodaeth am y swydd sy’n addas i oedran y dysgwyr, gan gynnwys natur y swydd, yn ogystal â’r diddordebau, sgiliau neu rinweddau a fydd yn ddefnyddiol i allu gwneud y swydd, a phynciau y gallent fod am eu hastudio i ddilyn yr yrfa honno.

Manylir ar yr ychwanegiadau newydd o’r sectorau manwerthu a gwyddorau bywyd isod:

Mae’r sectorau dan sylw yn cynnwys y rhai sy’n cael eu hystyried yn ‘sectorau blaenoriaeth’ gan Bartneriaethau Sgiliau Rhanbarthol yng Nghymru.

Mae’r rhestr lawn o sectorau a swyddi yn cynnwys y canlynol:

Dywedodd Mark Owen, pennaeth gwasanaethau i randdeiliaid Gyrfa Cymru:“Rydym ni wrth ein boddau yn ychwanegu’r ddwy swydd gyffrous hyn at yr adnodd Dinas Gyrfaoedd. Mae’r entrepreneur siop TikTok a’r arbenigwr ar losgfynyddoedd yn enghreifftiau gwych o ba mor amrywiol a deinamig y gall byd gwaith fod.

“Mae Dinas Gyrfaoedd wedi’i gynllunio i ennyn diddordeb ac ysgogi trafodaeth ymhlith dysgwyr ar lefel ysgol gynradd a’u hannog i feddwl am swyddi a allai fod o ddiddordeb iddynt.

“Fel thema drawsgwricwlaidd orfodol yn Cwricwlwm i Gymru, mae’n bwysig iawn bod athrawon yn cael eu cefnogi i wreiddio’r thema hon yn eu cynlluniau gwersi a’u cwricwlwm yn ehangach.

“Rydym yn annog athrawon ysgolion cynradd ledled Cymru i edrych ar sut y gallant ddefnyddio’r map hwn yn eu hystafelloedd dosbarth eu hunain, ac i helpu i ehangu gorwelion a chodi dyheadau dysgwyr.”

Mae Dinas Gyrfaoedd wedi cyrraedd rownd derfynol Gwobrau Datblygu’r DU eleni, digwyddiad sy’n cael ei gynnal gan y Sefydliad Datblygu Gyrfa, yn y categori “Defnydd o Dechnoleg wrth Ddatblygu Gyrfa”.

Mae rhagor o wybodaeth am Ddinas Gyrfaoedd ar gael ar wefan Gyrfa Cymru.