Gwisgodd grŵp o 19 o ffrindiau fel conau traffig, a cherdded o Ben-bre i Lanelli heibio 25 o dafarndai a chodi £1,350 ar gyfer yr Uned Gofal y Fron yn Ysbyty Tywysog Philip.
Dywedodd Susan Partidge-Leach, a drefnodd y daith gerdded noddedig: “Roedd gennym ni fws o’r Coffee Pot yn Llanelli i’r dafarn gyntaf ym Mhen-bre. Roedd gen i chwiban hefyd felly ar hyd y ffordd gallem ni ganu’r gân Floor is Lava. Pan fyddai’r chwiban yn cael ei chwythu, doedd neb yn cael cael eu traed ar y llawr.
“Aethom o dafarn i dafarn yn cerdded ac yn dawnsio a chawsom lawer o hwyl. Dechreuon ni am 11:30am ddydd Sul a gorffen am 1:30am ddydd Llun.
“Penderfynon ni godi arian ar gyfer canser y fron a chanser y pancreas. Canser y fron oherwydd bod ffrind da i ni, Viv Jones, wedi cael canser y fron yn ddiweddar ac wedi cael triniaeth yn Ysbyty Tywysog Philip. A chanser y pancreas oherwydd fy mod i’n cadw Clwb Rygbi Llangennech ac mae nifer y bobl yn yr ardal honno yn unig sydd wedi marw o ganser y pancreas yn anghredadwy.
“Hoffwn ddiolch i’m ffrindiau Viv a Deb am eu cefnogaeth drwy gydol y dydd a phawb a roddodd. Stopiodd pobl hyd yn oed eu ceir i roi. Roedden ni i gyd wedi ein cyffwrdd cymaint gan bawb a’u haelioni.”
Dywedodd Dr Anita Huws, Arbenigwr Cysylltiol Gofal y Fron, “Ar ran y tîm yma yn Uned Gofal y Fron yn Ysbyty Tywysog Philip, hoffem ddiolch i Susan a’i holl deulu a ffrindiau am drefnu’r daith gerdded hwyl hon wrth godi’r rhodd wych hon. Rydym yn hynod ddiolchgar i chi gyd.”
Dywedodd Claire Rumble, Swyddog Codi Arian: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhai sir Hywel Dda ac rydym yn ddiolchgar iawn am bob rhodd a dderbyniwn.”
Mae eich rhoddion yn gwneud gwahaniaeth cadarnhaol i iechyd, lles a phrofiad cleifion y GIG, defnyddwyr gwasanaeth a staff.
Am fwy o fanylion am yr elusen a sut y gallwch chi helpu i gefnogi cleifion a staff lleol y GIG, ewch i
www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
