Diolch i roddion, mae Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, wedi gallu prynu manicin CPR babi ar gyfer Gwasanaethau Mamolaeth Hywel Dda.
Bydd y manicin yn helpu i ddarparu hyfforddiant i fydwragedd a staff gofal iechyd bob blwyddyn sicrhau eu bod wedi’u hyfforddi’n briodol i ddarparu adfywio newyddenedigol.
“Mae cynnal bywyd newydd-anedig yn ofyniad hanfodol ar gyfer pob nyrs, bydwraig, meddyg a gweithiwr cymorth gofal iechyd sy’n darparu gofal i fabanod newydd-anedig. Ni ellir bob amser ragweld yr angen am adfywio adeg geni ac felly, mae’n hanfodol bod pob aelod o staff yn mynychu hyfforddiant i allu diwallu anghenion babanod newydd-anedig ar adeg eu geni.
“Bydd y manicin hwn yn cefnogi gwell hyfforddiant ac efelychu a fydd yn ei dro yn helpu i wella ein gwasanaeth i fabanod newydd-anedig ar draws Bwrdd Iechyd Prifysgol Hywel Dda.”
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda: “Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
I gael rhagor o fanylion am yr elusen a sut y gallwch helpu i gefnogi cleifion a staff lleol y GIG, ewch i https://elusennauiechydhyweldda.gig.cymru/
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
