Cododd Keelin Hawker o #Borth £1,300 ar gyfer Apêl Cemo Bronglais drwy gymryd rhan yn Aber Cycle Fest.
Cwblhaodd y gweithiwr coed Keelin, 49, daith 45 milltir yn ei hamser ei hun, fel diolch am y gofal a gafodd yn yr uned ddydd cemotherapi 12 mlynedd yn ôl.
Dywedodd: “Pan welais fod Apêl ar gyfer yr uned cemotherapi, roeddwn i’n gwybod fy mod eisiau helpu fel ffordd o ddangos fy niolch i’r holl staff anhygoel a helpodd fi drwy driniaethau ar gyfer lymffoma Hodgkin 12 mlynedd yn ôl.
“Ar ôl gaeaf o aeafgysgu, dim ond hanner ffit oeddwn i o hyd erbyn wythnos y reid, ond fe wnes i’r cwrs 45 milltir yn y diwedd a chymerodd chwe awr. Diolch enfawr a diffuant i bawb sydd wedi fy noddi a’m hannog.
“Rwyf am fynegi diolch a gwerthfawrogiad aruthrol i’r adrannau haemotoleg a chemotherapi sy’n helpu pobl yn barhaus drwy’r cyfnodau mwyaf anodd gydag ymroddiad cyfeillgar, proffesiynol (ac eiliadau cofiadwy o chwerthin.”
Nod Apêl Cemo Bronglais yw codi’r £500,000 terfynol sydd ei angen ar gyfer y gwaith adeiladu i ddechrau ar uned ddydd cemotherapi bwrpasol newydd ar gyfer Ysbyty Bronglais, er mwyn gwella profiad y claf yn fawr.
I gael rhagor o wybodaeth am yr Apêl ewch i: www.elusennauiechydhyweldda.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
