Mae gwasanaeth sy’n rhoi mynediad i breswylwyr ac ymwelwyr i gael triniaeth ar gyfer ystod o gyflyrau heb apwyntiad wedi ail-lansio mewn fferyllfeydd cymunedol.
Mae’r gwasanaeth Brysbennu a Thrin bellach ar gael mewn fferyllfeydd dethol ledled Sir Gaerfyrddin, Ceredigion a Sir Benfro.
Gall Brysbennu a Thrin eich helpu os oes gennych anaf lefel isel yn hytrach na gorfod ymweld â meddyg neu adran damweiniau ac achosion brys. Darperir y gwasanaeth gan fferyllydd neu aelod o’r tîm fferyllol sydd wedi cael hyfforddiant arbenigol.
Y mathau o anafiadau y gellir eu trin o dan y cynllun yw:
• Mân sgrafelliadau, toriadau arwynebol a chlwyfau
• Pigiadau a brathiadau (fel gwenyn neu slefrod môr)
• Straen
• Cwynion llygaid fel tywod yn y llygad
• Tynnu eitemau o’r croen fel splinter neu gragen
• Mân losgiadau gan gynnwys llosg haul
Pan fydd mân ddamweiniau ac anafiadau yn digwydd, mae Brysbennu a Thrin ar gael heb apwyntiad
Pan gyrhaeddwch y fferyllfa:
• Gofynnir i’ch cytundeb (caniatâd) i gael ei archwilio
• Asesu eich cyflwr
• Cael eich trin neu eich cynghori ynghylch ble y dylech fynd am eich triniaeth
Bydd eich meddyg teulu yn cael gwybod am unrhyw driniaeth a roddir a gofynnir i chi hefyd roi gwybod i ni am eich barn am y gwasanaeth.
Byddwch yn ymwybodol bod Brysbennu a Thrin yn cael ei ddarparu am ddim trwy’r GIG ond bydd angen i chi dalu am unrhyw ôl-ofal y bydd ei angen arnoch chi, fel lleddfu poen dros y cownter.
Cofiwch wisgo gorchudd wyneb wrth ymweld â fferyllfa a pheidiwch ag ymweld os oes gennych chi neu unrhyw un yn eich cartref unrhyw symptomau COVID-19.
Am fwy o wybodaeth gwyliwch ein hanimeiddiad yma: https://www.youtube.com/watch?v=XLu8JXrx0wQ ac i ddarganfod pa fferyllfeydd sy’n cymryd rhan yn y cynllun, ewch i: https://biphdd.gig.cymru/gofal-iechyd/gwasanaethau-a-thimau/fferyllfa/
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
