Mae Nigel, sy’n gweithio i Network Rail, wedi bod yn hyfforddi ers mis Mehefin ar gyfer y digwyddiad, a gynhelir ar 24 Hydref.
Wrth iddo herio’r cwrs, mae Nigel yn codi arian ar gyfer Ward St Caradog yng Nghanolfan Bro Cerwyn yn Hwlffordd.
Dywedodd: “Rwyf wedi bod yn dioddef fy hun gyda phryder ac iselder am y flwyddyn ddiwethaf, felly teimlais ei fod yn faes priodol i’w gefnogi.
“Rwy’n ymgymryd â’r her o redeg marathon Casnewydd i godi arian ar gyfer yr uned iechyd meddwl lleol ac i wneud pobl yn ymwybodol o bwysigrwydd siarad am eu hiechyd meddwl.”
Ychwanegodd Nigel, sydd eisoes wedi cymryd rhan mewn Penwythnos Cwrs Hir a digwyddiadau rhedeg eraill: “Rwy’n edrych ymlaen at yr her a bod yn rhan o dîm i godi arian ar gyfer achos gwerth chweil.”
I gefnogi Nigel, ewch i www.justgiving.com/fundraising/nigel-parlor.
Dywedodd Nicola Llewelyn, Pennaeth Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda, eu bod am ddiolch i Nigel am ei ymdrechion i godi arian.
“Mae cefnogaeth ein cymunedau lleol yn ein galluogi i ddarparu gwasanaethau yn ychwanegol at yr hyn gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn,” meddai Nicola.
I gael mwy o fanylion am yr elusen a sut y gallwch chi helpu i gefnogi cleifion a staff y GIG lleol, ewch i www.elusennauiechydhyweldda.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
