Mae partïon sydd â diddordeb yn cael eu gwahodd i dendro am Fframwaith Contractwyr Peirianneg Sifil Rhanbarthol newydd ar gyfer De-orllewin Cymru. Mae Cyngor Sir Caerfyrddin, mewn cydweithrediad â Chyngor Sir Ceredigion, Cyngor Bwrdeistref Sirol Castell-nedd Port Talbot, Cyngor Sir Penfro a Chyngor Abertawe (‘y Cynghorau’) yn dymuno penodi Contractwyr addas eu cymhwyster i gyflawni prosiectau adeiladu cysylltiedig â pheirianneg sifil ar draws y rhanbarth.
Cyfanswm gwerth y Fframwaith rhanbarthol yw oddeutu £430 miliwn a bydd ar waith rhwng 2023 a 2026 gydag opsiwn i’w ymestyn am hyd at 12 mis ychwanegol.
Bydd y Fframwaith yn cynnwys lotiau fesul gwerth a rhai daearyddol/rhanbarthol ar gyfer Gwaith Peirianneg Sifil, gan amrywio o waith bach iawn i waith mawr, yn ogystal â lotiau ar gyfer gwaith sifil arbenigol megis dymchwel, goleuadau cyhoeddus, leinio a marcio ffyrdd, arwynebu, ymchwiliadau tir, gwaith morol a rheoli traffig.
Mae’r Cynghorau yn Rhanbarth De-orllewin Cymru wedi ymrwymo i gyfrannu at lesiant cymdeithasol, economaidd ac amgylcheddol eu cymunedau. Yn ogystal â chynnig cyfle i gontractwyr lleol wneud cais am waith, elfen allweddol o’r Fframwaith fydd cynnwys Buddion Cymunedol ar gyfer prosiectau â gwerth o £1 filiwn neu fwy. Ynghyd â darparu’r prif brosiect neu gynllun, bydd y Cynghorau’n ceisio hyrwyddo cyfleoedd ychwanegol, cynaliadwy ehangach.
Lotiau Bach iawn newydd ar gyfer Lotiau Gwaith Sifil
Un ychwanegiad pwysig at y Fframwaith newydd yw cynnwys lotiau sy’n benodol i siroedd ar gyfer gwasanaethau peirianneg sifil bach iawn, hyd at £50,000 mewn gwerth. Mae’r Cynghorau eisiau annog busnesau bach a chanolig i wneud cais am le ar y lotiau hyn fel bod ganddynt adnoddau ychwanegol ar gyfer gwaith fel gwaith sifil cyffredinol, gwrthgloddiau, ffensio, draenio, gosod brics, gwaith maen cerrig, gwaith weldio a metel, palmentydd, paentio pontydd, atgyweiriadau concrit, estyll, gwaith ar ddur a gwaith ymateb brys.
Mae cymorth wrth law i fusnesau bach a chanolig wneud cais am le ar y Fframwaith. Ewch i wefan Busnes Cymru i gael rhagor o wybodaeth – Cefnogi busnesau yng Nghymru | Busnes Cymru
Bydd Busnes Cymru hefyd yn trefnu ‘Gweminar Tendro Byw’ am ddim, yn benodol ar gyfer y rhai sy’n tendro ar gyfer y Fframwaith hwn, i’w gynnal ar 18 Hydref 2022. Bydd Busnes Cymru yn cynnig cyngor a chanllawiau ar gyrchu’r e-dendr a chyflwyno cais. Mae cofrestru yn hanfodol er mwyn cadw lle ar y gweminar, felly, i gofrestru, cysylltwch â Busnes Cymru ar 01267 233749 neu drwy e-bostio: westwales@businesswales.org.uk
I gael rhagor o fanylion am y Fframwaith a sut i gyrchu’r tendr a’r dogfennau cysylltiedig, yn ogystal â chyflwyno cais, gweler Hysbysiad y Contract ar wefan GwerthwchiGymru
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
