Gofynnir i bobl ar draws Abertawe sut maent yn meddwl y gall sefydliadau weithio gyda’i gilydd orau i wella lles y ddinas yn y pum mlynedd nesaf.
Mae Bwrdd Gwasanaethau Cyhoeddus Abertawe, sy’n cynnwys sefydliadau sy’n darparu llawer o’r gwasanaethau rheng flaen sy’n gwneud gwahaniaeth i fywydau pobl, yn diweddaru ac yn gwella’i Gynllun Lles Lleol bob pum mlynedd.
Mae arolwg ar-lein newydd gael ei lansio sy’n rhoi cyfle i breswylwyr o bob oed ddylanwadu ar ei waith.
Mae’r Bwrdd am glywed oddi wrth gynifer o bobl â phosib a gall unrhyw breswyliwr gymryd rhan drwy fynd i www.abertawe.gov.uk/dweudeichdweud rhwng nawr a 13 Chwefror y flwyddyn nesaf.
Mae sesiynau galw heibio hefyd wedi’u trefnu yn Llyfrgell Ganolog Abertawe rhwng 11am a 2pm ddydd Mawrth 13 Rhagfyr ac yn Llyfrgell Clydach rhwng 11am ac 1pm ddydd Gwener 16 Rhagfyr.
Mae’r bwrdd yn cynnwys amrywiaeth o bartneriaid gwasanaethau cyhoeddus sy’n cynnwys Cyngor Abertawe, Cyfoeth Naturiol Cymru, Bwrdd Iechyd Prifysgol Bae Abertawe, Gwasanaeth Tân ac Achub Canolbarth a Gorllewin Cymru ac eraill.
Meddai Dirprwy Arweinydd Cyngor Abertawe, Andrea Lewis, sy’n gadeirydd y bwrdd,
“Drwy gael partneriaid i weithio gyda’i gilydd, rydym wedi gwneud camau mawr yn ystod y pum mlynedd diwethaf.
“Ond gwyddwn y gallwn wneud mwy drwy wella’r ffordd rydym yn gweithio ymhellach, a dyna pam rwy’n annog pobl i gymryd ychydig funudau i lenwi’r arolwg a’n helpu i sicrhau bod ein cynlluniau ar gyfer y pum mlynedd nesaf y gorau y gallant fod.”
Meddai Prif Swyddog Tân Gwasanaeth Tân ac Achub Canolbarth a Gorllewin Cymru, Roger Thomas, sy’n ddirprwy gadeirydd y BGC,
“Mae’r holl bartneriaid wedi elwa o weithio’n agos gyda’i gilydd ac maent yn ymrwymedig i wella’n cydweithio er budd pobl Abertawe.
“Mae pob un ohonom yn wirioneddol awyddus i glywed syniadau gan breswylwyr i’n cynorthwyo gyda hyn.”
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
