Mae Tîm Evans – tîm codi arian gwych o dros 30 o deulu a ffrindiau – yn cynnal digwyddiad rhedeg 5k Cymru ar y Penwythnos Cwrs Hir ar 2 Gorffennaf i godi arian ar gyfer yr uned cemotherapi yn Ysbyty Tywysog Philip, Llanelli.
Fis Awst diwethaf, cafodd y triathletwr Wayne Evans ddiagnosis o ganser datblygedig y pancreas gyda chanserau pellach mewn pedair ardal eilaidd. Mae Wayne wedi hyfforddi a chystadlu mewn digwyddiadau erioed ac roedd i fod i wneud Ironman Cymru yn Ninbych-y-pysgod fis Medi diwethaf, ond yn anffodus ni ddigwyddodd hyn oherwydd ei ddiagnosis.
Yn anhygoel, er gwaethaf ei ddiagnosis, cwblhaodd Wayne driathlonau Sbrint Abertawe a Llanelli yn ddiweddarach y flwyddyn honno fel rhan o dîm lle bu’n cerdded neu’n rhedeg y ras 5k.
Eleni, mae Wayne a’i gefnogwyr wedi penderfynu cymryd rhan yn 5k Cymru i godi arian ar gyfer yr uned cemotherapi fel diolch am y gofal rhagorol y maent wedi’i ddarparu.
Cafodd y tîm leoedd am ddim yn y digwyddiad gan Activity Wales ac Elusennau Iechyd Hywel Dda, elusen swyddogol Bwrdd Iechyd Prifysgol Hywel Dda. Bydd grŵp o gefnogwyr hefyd yn dilyn ochr yn ochr i gefnogi’r rhedwyr.
Yn ogystal, mae cyfranogwyr eraill yn cefnogi trwy brynu crysau T a chyfrannu.
Dywedodd Charlotte Evans, gwraig Wayne: “Mae’r tîm yn yr uned cemo wedi ein cefnogi ers diwedd mis Awst. Maent yn anhygoel ac yn haeddu cymaint o gydnabyddiaeth â phosibl.
“Y digwyddiad llawn diwethaf y cymerodd Wayne ran ynddo oedd y Penwythnos Cwrs Hir y llynedd: dechreuodd gael symptomau amlwg erbyn amser y digwyddi
ad ac yn anffodus aeth i lawr y rhiw oddi yno.
“Mae Wayne yn ddyn mor boblogaidd ac rydym wrth ein bodd yn gweld cymaint o bobl yn cefnogi’r digwyddiad codi arian. Mae hwn yn mynd i fod yn un emosiynol iddo gan y byddai’n flwyddyn ers ei ddigwyddiad llawn diwethaf. Ond rydym yn gobeithio ei wneud yn ddiwrnod gwych lle byddwn yn dod at ein gilydd fel tîm a chyflawni rhywbeth arbennig iawn.”
Dywedodd Tara Nickerson, Rheolwr Codi Arian yn Elusennau Iechyd Hywel Dda: “Rydym eisiau dweud pob lwc a diolch i Tîm Evans! Bydd yr arian a godir yn gwneud gwahaniaeth cadarnhaol iawn i gleifion a staff uned cemotherapi Tywysog Philip. Edrychwn ymlaen at eich cefnogi!”
Gellir rhoi rhoddion i Team Evans yn:Fundraiser by Charlotte Evans : Team Evans 5K (gofundme.com)
I gael rhagor o fanylion am Elusennau Iechyd Hywel Dda a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
