Yn wreiddiol o Ben-y-Mynydd, ger Trimsaran, bu Davies yn gweithio fel barman, casglwr sbwriel ac athro, cyn ei yrfa lwyddiannus yn y cyfryngau. Dros dri degawd, mae wedi gweithio i’r BBC, ITV a chwmni Tinopolis a leolir yn Llanelli, sy’n cynhyrchu rhaglenni ar gyfer S4C a chynulleidfaoedd ledled y byd.
Ei uchelgais fel ymgeisydd yw cyflwyno dyfodol clir ar gyfer ei dref enedigol, yn seiliedig ar uniondeb, ymddiriedaeth a gwir ddealltwriaeth leol.
“Cefais fy magu gydag un droed wedi’i phlannu’n gadarn yn Fferm Ceidrim, Trimsaran a’r llall wedi’i phlannu yr un mor gadarn yn Heol y Drindod, Doc Newydd, Llanelli. Mae’r lleoedd hynny’n golygu teulu, hunaniaeth, gwreiddiau a chymuned – fe wnaethon nhw fi yr hyn ydw i,” meddai. “Yr hyn nad ydw i yw gwleidydd ar sail gyrfa – rwyf wedi treulio fy mywyd yn gweithio tu allan i unrhyw swigen wleidyddol. Mae’r pobl rwy’n siarad â nhw yn dweud wrthyf fod hynny’n newid adfywiol a braf.”
Ychwanegodd ei fod yn deall pam fod pobl yn aml yn brin o ymddiriedaeth mewngwleidyddion, pan fo San Steffan sydd allan o gysylltiad yn methu â rhoi buddiannaulleol yn gyntaf.
“Mae datganoli yn ei ffurf bresennol wedi ein gadael ni ar ôl, rydym yn dal yn gaeth ac eto heb y modd, y deddfau na’r cyllid i wella ein hunain.
I Lundain – a mewn gwirionedd i Lafur yn ogystal â’r Torïaid – mae Cymru yn parhau i fod yn eilradd. Mae’n rhaid i hynny newid.”
“Rydw i eisoes yn gwrando ac yn dysgu wrth bobl ledled Llanelli a Chwm Gwendraeth fel y gallwn rhoi eu diddordebau a’u gobeithion yn gyntaf a meithrin dyfodol cadarn i’r ardal hon gyda’n gilydd.”
“Rwy’n credu ein bod ni’n haeddu gwell ac y gallai ac y dylai Llanelli fod y lle rydym i gyd yn breuddwydio amdano: uchelgeisiol, llewyrchus a llawn syniadau ac egni. MaeLlanelli a Chwm Gwendraeth yn cynnig cymaint o gyfleoedd, mae’n droseddol i beidio â gwneud y mwyaf ohonyn nhw.”
Wedi’i ddisgrifio fel “bachgen a ffurfiwyd gan Gwm Gwendraeth a dyn a grëwyd ganLanelli” mae’n credu mai nawr yw’r amser i godi uchelgais ac adeiladu cyfleoedd ynlleol.
“Rydw i eisiau gwneud gwahaniaeth bob dydd, i ail-sefydlu ymddiriedaeth a gobaith o fewn y gymuned hon.” Dywedodd ef. “Mae ein profiadau diweddar yn nwylo SanSteffan pell wedi bod yn ddinistriol – enghraifft berffaith o pam mae angen i ni yng Nghymru sefyll lan dros ein hunain. Trwy gymryd cyfrifoldeb, gyda’n gilydd, gallwn a byddwn yn adeiladu dyfodol gwell.”
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
