Mae Bwrdd Iechyd Prifysgol Hywel Dda yn gwahodd pobl i fynychu digwyddiadau ar draws Sir Gaerfyrddin, Ceredigion a Sir Benfro y mis Medi hwn (2024) i ddarganfod mwy am wasanaethau gofal iechyd Sylfaenol a Chymunedol.
Mae ymarfer ymgysylltu ‘Fy Iechyd, Fy Newis’ yn cynnwys digwyddiadau arddangos mewn gwahanol leoliadau ac ar-lein, gyda thudalennau gwe i roi rhagor o wybodaeth. Mae’r Bwrdd Iechyd hefyd yn gofyn i bobl rannu eu profiadau ar wasanaethau gofal iechyd a syniadau ar gyfer y dyfodol.
Mae’r ymarfer ymgysylltu, a gynhelir rhwng 2 Medi ac 11 Hydref 2024, yn canolbwyntio ar gynllunio’r ffordd orau o ddarparu gwasanaethau Gofal Sylfaenol a Chymunedol, sy’n cwmpasu’r rhan fwyaf o wasanaethau iechyd a gofal a ddarperir gan y GIG y tu allan i ysbytai.
Mae’r gwasanaethau hyn yn cynnwys Fferyllfeydd Cymunedol, practisau Optometrig, (a elwir weithiau’n Optegwyr), gwasanaethau Deintyddol y GIG, a meddygfeydd. Mae gwasanaethau yn y gymuned yn darparu timau allgymorth, nyrsio ardal, clinigau cymunedol, gofal diwedd oes a mwy.
Dywedodd Jill Paterson, Cyfarwyddwr Gofal Sylfaenol, Bwrdd Iechyd Prifysgol Hywel Dda: “Ein gweledigaeth ar y cyd yw darparu gwasanaethau iechyd a gofal diogel, cynaliadwy a hygyrch mor agos i’ch cartref â phosibl, yn unol â’n Strategaeth Canolbarth a Gorllewin Cymru Iachach.
“Credwn, trwy ymgysylltu â’n Cymunedau yn uniongyrchol, y gallwn ddeall eu hanghenion a’u dewisiadau yn well, a cheisio sicrhau bod ein gwasanaethau’n diwallu’r anghenion hynny lle bynnag y bo modd.”
“Hoffem glywed sut yr ydych yn defnyddio’r gwasanaethau iechyd a gofal hyn ar hyn o bryd, a’r hyn y byddai ei angen arnoch i gynnal eich llesiant. Hoffem i chi rannu eich profiadau, yr hyn sydd bwysicaf i chi, a’ch gweledigaeth ar gyfer dyfodol gofal iechyd yn eich cymuned.”
Mae llawer o ffyrdd i gymryd rhan.
Mynychu Digwyddiadau Iechyd a Lles
Drwy fynychu un o’r digwyddiadau, gallwch ddysgu mwy am y gwasanaethau sydd ar gael yn eich cymuned a rhannu eich barn. Bydd digwyddiadau yn cael eu cynnal yn Sir Gaerfyrddin, Ceredigion a Sir Benfro. Gweler manylion yr amseroedd, dyddiadau a lleoliadau isod neu cliciwch ar y ddolen hon i ymweld â’n gwefan am ragor o wybodaeth: https://biphdd.gig.cymru/cynllun-gofal-sylfaenol-a-chymunedol/
- 5 Medi 2024, 2pm-6:30pm, Neuadd Bentref Bancyfelin, Bancyfelin, SA33 5ND
- 11 Medi 2024, 2pm-6:30pm, Neuadd y Regency, Saundersfoot, SA69 9NG
- 12 Medi 2024, 2pm-7pm, Neuadd Goffa Pontyberem, Pontyberem, SA15 5HU
- 19 Medi 2024, 2pm-7pm, Neuadd Tysul, Llandysul, SA44 4QL
- 24 Medi 2024, 2pm-7pm, Yr Hwb, Canolfan Gymunedol Penparcau, Aberystwyth, SY23 1RU
- 25 Medi 2024, 10am-5pm, HaverHub, Yr Hen Swyddfa Bost, Stryd y Cei, Hwlffordd, SA61 1BG
- 26 Medi 2024, 2pm-7pm, Ffwrnes Fach, Hyb Celfyddydau, Iechyd a Lles, Llanelli, SA15 3YE
Ymuno â Digwyddiad Ar-lein
Gallwch hefyd ymuno â’n digwyddiadau ar-lein o gysur eich cartref eich hun:
- 10 Medi 2024, 11am
- 16 Medi 2024, 6pm
Cliciwch ar y ddolen hon i gwblhau ffurflen gofrestru i fynychu digwyddiad ar-lein:https://biphdd.gig.cymru/digwyddiadau-ar-lein-gofal-sylfaenol
Cwblhau Holiadur
Ewch i’n tudalennau ymgysylltu ar-lein yn https://www.dweudeichdweud.biphdd.cymru.nhs.uk/ i gwblhau holiaduron o 2 Medi i 11 Hydref 2024
Os na allwch fynychu digwyddiad, gallwch barhau i rannu eich barn:
- Ebostiwch ask.hdd@wales.nhs.uk
- Ffoniwch 0300 303 8322 (dewiswch opsiwn 5) ar gyfer cyfathrebu uniongyrchol ar gyfraddau galwadau lleol
- Postiwch eich adborth i FREEPOST HYWEL DDA HEALTH BOARD
Dywedodd Sion James, Dirprwy Gyfarwyddwr Meddygol – Gofal Sylfaenol a Gwasanaethau Cymunedol, Bwrdd Iechyd Prifysgol Hywel Dda: “Rydym eisiau gweithio ochr yn ochr â’n cleifion a’n cymunedau, ein staff, a chontractwyr sy’n darparu gwasanaethau gyda ni, a phartneriaid. Drwy wrando arnoch chi ac ystyried eich barn a’ch syniadau, credwn y gallwn ddarparu Gwasanaethau sy’n diwallu anghenion ein hardal orau.
“Bydd eich barn a’ch syniadau yn helpu i lunio dyfodol gwasanaethau Gofal Sylfaenol a Chymunedol. Byddwn yn rhoi’r wybodaeth ddiweddaraf i chi ac yn rhoi cyfleoedd pellach i chi rannu eich barn wrth i ni symud ymlaen. Edrychwn ymlaen at gwrdd â chi ar-lein neu wyneb yn wyneb yn un o’n digwyddiadau.”
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
