Mae Josh Herman yn ymgymryd â her Tri Chopa Cymru mewn cit tân llawn gydag offer anadlu ar ei gefn.
Mae Josh yn dringo Pen y Fan, Cadair Idris a’r Wyddfa i godi arian ar gyfer Canolfan Iechyd Meddwl Sŵn Y Gwynt yn Rhydaman.
Bydd cymysgedd o bersonél gweithredol ac anweithredol o orsaf dân Canolbarth a Gorllewin Cymru yn ymuno â Josh ond ef fydd yr unig un a fydd yn cwblhau’r her mewn cit tân llawn.
Dywedodd Josh: “Byddaf yn cymryd rhan yn Her Tri Chopa Cymru ar y 6ed a’r 7fed o Fedi 2024 i godi arian ar gyfer y ganolfan iechyd meddwl yn Rhydaman.
“Mae’r gwasanaeth hwn yn agos iawn ataf yn bersonol, oherwydd fy mod wedi profi problemau iechyd meddwl yn y blynyddoedd diwethaf a dod yn agos at gymryd fy mywyd fy hun. Fe wnaethon nhw fy helpu trwy’r amseroedd gwaethaf a wynebais, ac ni allaf ddiolch digon iddynt am eu cefnogaeth a’u hanogaeth.
“Gan fod yn ddyn â phroblemau iechyd meddwl, mae’n anodd iawn bod yn agored, siarad amdano ac estyn allan i dderbyn y cymorth yr ydych ei eisiau a’i angen yn ddirfawr. Gofyn am help oedd y cam anoddaf a mwyaf a wnes i. Fodd bynnag, caniataodd Sŵn Y Gwynt i mi fynegi fy hun heb farnu. Gobeithio y bydd fy ngwaith codi arian yn helpu i godi ymwybyddiaeth ac annog dynion i godi llais. Mae yna lawer o stigma ynghylch iechyd meddwl dynion felly rydw i eisiau helpu i wneud gwahaniaeth i ddynion, eu teuluoedd a’u ffrindiau.”
Dywedodd Nicola Llewellyn, Pennaeth Elusennau Iechyd Hywel Dda: “Hoffem ddweud pob lwc enfawr i Josh gyda’i godwr arian ysbrydoledig. Rydym mor ddiolchgar am eich cefnogaeth.
“Mae cefnogaeth ein cymunedau lleol yn ein galluogi i ddarparu gwasanaethau y tu hwnt i’r hyn y gall y GIG ei ddarparu yn nhair sir Hywel Dda ac rydym yn hynod ddiolchgar am bob rhodd a dderbyniwn.”
Gallwch gefnogi’r codwr arian yma:
https://www.justgiving.com/team/teammawwfirepeaks2024
I gael rhagor o fanylion am elusen y GIG a sut y gallwch chi helpu i gefnogi cleifion a staff lleol y GIG, ewch i www.hywelddahealthcharities.org.uk
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
