Plaid Cymru yn talu teyrnged i deuluoedd wedi ei effeithio gan Covid.

Mae dydd Sul 9fed o Fawrth yn nodi pum mlynedd ers dechrau’r pandemig Covid-19. Mae’r diwrnod hwn yn gyfle i unigolion, teuluoedd a chymunedau fyfyrio ar y pum mlynedd ers y Pandemig Covid, a’r effaith y mae wedi’i gael ar eu bywydau a’u hanwyliaid.

I goffáu’r diwrnod, bydd llefarydd Plaid Cymru dros iechyd, Mabon ap Gwynfor, yn mynychu digwyddiad yng Nghoedwig Goffa Hafod y Bwch yn Wrecsam.

I nodi Diwrnod o Fyfyrdod Covid-19, dywedodd Mabon ap Gwynfor:

“Roedd yr ymateb i Covid yng Nghymru yn benodol i Gymru, roedd yn cael effaith penodol ar bobl yng Nghymru, felly mae Covid angen diwrnod i goffáu sydd yn benodol i Gymru, er mwyn cofio ac i dalu teyrnged i’r bobl gollodd eu bywydau i’r feirws ddinistriol.

“Heddiw, 5 mlynedd yn ddiweddarach, rydyn ni’n cofio’r bobl collodd eu bywydau yn ystod y pandemic, y teuluoedd cafwyd eu heffeitio, a’r effaith mae’r pandemic yn dal i gael ar ein bywydau hyd heddiw.

“Rwyn talu teyrnged i’r Covid-19 Bereaved Families for Justice Cymru yn eu brwydr am ymchwiliad Covid i Gymru ac am drefnu’r gwasanaeth coffa rwyf yn cael yr anrhydedd o fynychu heddiw.”