| Bydd uwchraddiadau rheilffyrdd mawr fel rhan o Metro De Cymru yn digwydd yr haf hwn ac mae teithwyr rheilffordd yn cael eu hannog i wirio cyn iddynt deithio. |
Bydd uwchraddiadau rheilffyrdd hanfodol i ddarparu gwasanaethau cyflymach ac amlach yn effeithio ar Linellau Cymoedd De Cymru i Gaerdydd ac oddi yno. Caiff y gwaith ei gyflawni o ddydd Sadwrn 25 Gorffennaf i ddydd Sadwrn 15 Awst ar draws rhannau o linellau Rhymni, Coryton, Bae Caerdydd, Treherbert, Aberdâr a Merthyr. Mae hyn yn cynnwys cau am bythefnos ar draws llinell Treherbert a chau am wythnos ar linellau Aberdâr a Merthyr.Er mwyn cadw teithwyr yn symud, bydd Trafnidiaeth Cymru yn rhoi gwasanaethau bws yn lle trên ar waith drwy gydol y blocâd gyda manylion llawn, amserlenni ac offerynnau cynllunio teithiau ar gael yn https://trc.cymru/prosiectau/metro/metro-de-cymru/newidiadau-gwasanaeth Bydd y cau yn caniatáu i Trafnidiaeth Cymru uwchraddio’r rheilffyrdd, ailosod y trac yng ngorsaf Pontypridd, gwneud gwelliannau i’r cledrau a’r system ddraenio ar lein Treherbert a sicrhau mynediad gwastad yng ngorsaf Pentre-bach. Dywedodd Dan Tipper, Prif Swyddog Seilwaith TrC: “Mae’r gwaith hwn yn gam pwysig arall wrth gyflawni Metro De Cymru a thrawsnewid teithiau rheilffordd ar draws De Cymru. Er ein bod yn gwybod y bydd y cyfnod cau yn achosi rhywfaint o darfu, bydd y gwelliannau rydym yn eu gwneud nawr yn helpu i greu rheilffordd fwy dibynadwy, hygyrch ac wedi’i chysylltu’n well ar gyfer y dyfodol.” “Hoffem ddiolch i gwsmeriaid a chymunedau lleol am eu hamynedd tra bod y gwaith hanfodol hwn yn digwydd. Gan y bydd gwasanaethau rheilffordd yn cael eu heffeithio yn ystod y cau arfaethedig, rydym yn annog cwsmeriaid i gynllunio ymlaen llaw a gwirio’r trefniadau teithio a fydd ar waith ar gyfer eich taith, gan gynnwys unrhyw wasanaethau bws yn lle trên, a chaniatáu amser ychwanegol ar gyfer teithio lle bo angen.” |
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
