Mae arbenigwr o Brifysgol Abertawe wedi cael ei enwi’n un o hyrwyddwyr diweddaraf aer glân y DU.
Mae gan Paul Lewis, Athro Emeritws yn Ysgol Feddygaeth Prifysgol Abertawe, gefndir ymchwil ym maes effeithiau amgylcheddol ar iechyd resbiradol.
Mae’n aelod arbenigol o Banel Ymgynghorol Aer Glân Llywodraeth Cymru, gan helpu i gynghori ar dargedau gronynnau mân yn barod ar gyfer Deddf Aer Glân newydd i Gymru.
Mae hefyd yn aelod o Banel Adolygiad Annibynnol ar Gyfeiriad Ansawdd Aer Cymru a Grŵp Tasg a Gorffen Llosgi Tanwydd Solet Domestig yng Nghymru.
Bydd rôl newydd yr Athro Lewis yn ei weld yn ymuno â Rhaglen Aer Glân Blaenoriaethau Strategol yr UKRI Hyrwyddwyr Aer Glân cenedlaethol presennol.
Dywedodd yr Athro Lewis ei fod wrth ei fodd gyda’i benodiad: “Bydd y rôl yn fy ngalluogi i ymgysylltu â rhanddeiliaid allweddol o’r byd academaidd, diwydiant, llywodraeth, y GIG a’r trydydd sector ar draws Cymru i helpu i ddatblygu atebion a pholisïau newydd i leihau llygredd aer a’i effeithiau ar ein hiechyd a’n lles”.
Mae’r Rhaglen Aer Glân yn fuddsoddiad gwerth £42.5 miliwn sy’n cefnogi ymchwil ac arloesi o’r radd flaenaf er mwyn:
- datblygu atebion ymarferol i faterion ansawdd aer heddiw
- arfogi’r DU i fynd i’r afael â heriau ansawdd aer y dyfodol
Mae’r Athro Lewis a’i gyd-hyrwyddwyr yn gweithredu fel canolbwynt ar gyfer ymchwil ansawdd aer yn eu rhanbarthau priodol a byddant yn gweithio i gynyddu cydweithio ac effaith ar draws y rhaglen a’r tu hwnt iddi.
Byddant yn gweithio gydag ymchwilwyr a ariennir gan y Rhaglen Aer Glân i archwilio ffyrdd o hyrwyddo cyfnewid gwybodaeth gyda defnyddwyr ymchwil perthnasol megis:
- busnesau lleol
- diwydiant
- gweithwyr proffesiynol iechyd
- awdurdodau lleol
- y cyhoedd.
- Byddant hefyd yn casglu gwybodaeth ar sut mae datblygiadau ymchwil, polisi a diwydiant lleol newydd ac yn cyfrannu syniadau newydd i wella effaith y rhaglen.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
