Cynhaliwyd digwyddiadau ar gyfer Addysg Bellach ac Uwch (AB ac AU) a Dysgu yn y Gwaith (DyyG) a Dysgu Oedolion a’r Gymuned (ACL) yn safle Iâl y coleg yn Wrecsam yr wythnos hon.
Llywyddwyd y seremonïau gan y Prif Weithredwr Yana Williams a Cath Sullivan, Dirprwy Brif Weithredwr Pobl, Profiadau a Diwylliant dros ddwy noson.
“Llongyfarchiadau i bawb ar eich llwyddiant yn y flwyddyn ddiwetha,” meddai Ms Williams.
“Hefyd, diolch yn fawr iawn i’ch teuluoedd, ffrindiau a’r rhai a’ch cefnogodd chi ar eich teithiau.
“Rydych chi’n glod i Goleg Cambria, ac rydyn ni mor blês ac yn falch o allu dathlu eich cyflawniadau ar draws ystod eang o raglenni.
“O brentisiaethau a chyrsiau dysgu yn y gwaith i Safon Uwch a rhagor, beth bynnag fydd eich camau nesaf, byddwn ni bob amser yma i chi ac yn dymuno pob lwc i chi ar gyfer y dyfodol.”
Y gwesteion arbennig oedd yr entrepreneur, siaradwr ac ymgynghorydd cychwyn busnes Emmanuel Anthony, sydd â chenhadaeth o “rymuso pobl i droi eu brwdfrydedd i’w proffesiwn trwy wytnwch, etheg waith ac entrepreneuriaeth”, a Matt Hall, Deiliad Record y Byd Guinness, entrepreneur cyfresol a gyrhaeddodd rownd derfynol amatur cryfhau’r corff a chyflwynydd y podlediad Success School yn siartiau uchaf Apple..
Mae gwobrau’r myfyrwyr yn dathlu cyflawniad ar draws holl safleoedd Cambria – Llaneurgain, Glannau Dyfrdwy, Llysfasi, Ffordd y Bers a Choleg Iâl yn Wrecsam.
Ymhlith yr enillwyr oedd:
Myfyriwr y Flwyddyn Chweched Glannau Dyfrdwy – Daniel Mayers-Jones
Myfyriwr y Flwyddyn Chweched Iâl – Zoe Bayley-Jones
Myfyriwr y Flwyddyn Y Gymraeg – Melody Griffiths
Prentis Cymraeg y Flwyddyn – Ruby Ballantyne
Myfyriwr y Flwyddyn Elusennau – Ben White
Myfyriwr y Flwyddyn Mynediad i Addysg Uwch – Selma Souza Fernandes
Dysgwr y Flwyddyn Addysg Uwch – Matthew Jones
Myfyriwr y Flwyddyn Cwrs i’r Niwroamrywiol – Natasha Royal
Myfyriwr y Flwyddyn Chwaraeon Elît – Carys Davies
Myfyriwr y Flwyddyn E-chwaraeon – Oliver Pearce
Myfyrwyr y Flwyddyn Cydraddoldeb, Amrywiaeth a Chynhwysiant – Max Williams, Micah Hampton, Enrique Manzano.
Prentis y Flwyddyn Technolegau Digidol – Ashley Littlemore
Dysgwr y Flwyddyn sy’n Oedolyn – Anne Williams
Prentis Awyrennau’r Flwyddyn – Robert Jones
Prentis Cerbydau Modur y Flwyddyn – Hayley Brittle
Myfyriwr y Flwyddyn Cyrsiau’r Tir Llysfasi – Charlotte Bailey
Myfyriwr y Flwyddyn Astudiaethau Technegol Llaneurgain – Kai Dodd
Myfyriwr y Flwyddyn Gofal Plant DyyG – Gemma Young
Dysgwr y Flwyddyn Dysgu Saesneg – Deodato Barbosa De Carvalho
Dysgwr y Flwyddyn Cymraeg i Oedolion – Kierion Lloyd
Myfyriwr y Flwyddyn Gwallt a Harddwch DyyG – Tia Arrowsmith
Roedd yna hefyd gydnabyddiaeth arbennig i’r rhai a gyrhaeddodd rownd derfynol WorldSkills UK a gynrychiolodd y coleg a’i bartneriaid diwydiant yn 2023/24
Am ragor o wybodaeth a’r rhestr lawn o enillwyr yn seremonïau AB/AU a Dyyg/ACL, ewch i’r wefan: www.cambria.ac.uk.
Gallwch hefyd weld rhagor o ymateb trwy ddefnyddio’r hashnod #cambriaawards24 ar y cyfryngau cymdeithasol.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
