Mae’r dyddiad cau i bobl roi eu barn am gynlluniau Meddygfa Tycroes bellach wedi mynd heibio.
Yn dilyn cais gan Feddygfa Stryd Marged, Rhydaman, i gau ei feddygfa gangen, Tycroes, gwahoddodd Bwrdd Iechyd Prifysgol Hywel Dda (BIP) bobl i ddweud eu dweud erbyn dydd Gwener 24 Mehefin.
Tra bod y cyfnod ymgynghori wedi dod i ben, bydd unrhyw ymatebion neu sylwadau pellach a gyflwynwyd yn dal i gael eu cofnodi.
Hoffai Bwrdd Iechyd Prifysgol Hywel Dda a’r Cyngor Iechyd Cymuned ddiolch i bawb a gyfrannodd. Bydd yr adborth yn cael ei adolygu fel rhan o’r broses Gytundebol ffurfiol y mae’n rhaid i’r Bwrdd Iechyd ei dilyn ar ôl derbyn unrhyw gais i gau Meddygfa Gangen, a disgwylir i’r canlyniad gael ei gyhoeddi ym mis Gorffennaf
Mae Tycroes wedi bod ar gau ers Chwefror 2020 oherwydd y pandemig COVID-19 ac roedd yr adeilad yn gwasanaethu fel ‘safle coch’ ar gyfer clwstwr Meddygon Teulu Aman Gwendraeth. Cyn y pandemig, defnyddiwyd y gangen ar gyfer ystod o wasanaethau meddygol cyffredinol. Ers ei gau dros dro, mae cleifion Tycroes wedi defnyddio Practis Stryd Marged, sydd tua dwy filltir i ffwrdd. Mae llwybr bws rheolaidd rhwng y ddwy Feddygfa.
I gael rhagor o wybodaeth, dilynwch y ddolen hon i ddarllen rhai cwestiynau cyffredin yn seiliedig ar rywfaint o’r adborth a dderbyniwyd.
| [donate]
| Help keep news FREE for our readersSupporting your local community newspaper/online news outlet is crucial now more than ever. If you believe in independent journalism,then consider making a valuable contribution by making a one-time or monthly donation. We operate in rural areas where providing unbiased news can be challenging. |
